Gudoomiyaha Isbahaysiga dib u xoreynta Dalka Soomaaliya Sheekh Shariif Sheekh Axmed iyo Wafdi uu Hogaaminayo ayaa shalay galinkii dambe soo gaaray Magaalada Nairobi ee dalka Kenya. Wafdiga Sheekh Shariif ayaa waxaa ka mid ahaa Shariif Xasan Sheekh Aadan Gudoomiyaha Golaha dhexe iyo xubno kale oo aad u farabadan.
Dadweyne aad u farabadan iyo Siyaasiyiin ayaa wafdiga si weyn ugu soo dhaweeyay Magaalada Nairobi iyaga oona qabtay xaflad Mas'uuliyiintaasi lagu soo dhaweyanay.Gudoomiyaha Golaha Fulinta Isbahaysiga dib u xoreynta oo Munaasabadaasi ka hadlay ayaa sheegay in ay si weyn uga xunyihiin dhibatooyinka dagaal ee wali ka soo socanaya dalka Soomaaliya isla markaana waxyeeladu ay ka soo gaarayso dadka Rayidka ah.Sheekh ayaa ku nuux nuuxsaday in dad badan ka barakaceen guryahooda isla markaana nolol xun ku haysato gudaha dalka halka qaar kalena amaan dari ku haysato deeganada ay ka dagan yihiin Magaalada Muqdisho iyo qaar ka mid ah Gobolada dalka Soomaaliya.Isaga oo hadalkiisa sii wata waxaa uu sheegay in taasi xalkeeda uu yahay in nabada la raadiyo si buu yiri u bad baado nolosha Kumanaan ruux oo iminka ku sugan Gudaha dalka isaga ka codsaday shacabka Soomaaliyeed in ay gacan ku siiyaan nabada ay wadaan.Si kastaba Hadalka ka soo baxay Sheekh Shariif Sheekh Axmed ayaa imaanaya xili dalka Soomaaliya gaar ahaan Muqdisho ku sii xoogeysanayaan dagaalada ka dhacaya kaasi oo u dhaxeeyay Ciidamada Dowlada,Kuwa Ethiopia iyo Xoogaga Hubeysan ee ka soo horjeeda

 

Xigasho

Dowlada KMG Soomaaliya iyo Isbeheysiga Dib u xoreynta ayaa Xalay Heshiis dhowr Qodob ka kooban Ku saxiixay Magaalada Jabuuti ee Dalka Jabuuti iyagoo halkaas ka soo jeediyay baaq iyo mahad celin.
Dowlada KMG iyo Isbeheysiga Dib u xoreynta Waxaa ay dalka Jabuuti ku yeesheen Shir ay goob joog ka aheyd QM Beesha Caalamka Ganacsato ururada Bulshada Rayidka si ay u kormeeraan.
In la sameeyo labo guddi oo ka wada hadli kara arimaha ay wada gaareen dowlada iyo isbeheeysiga gaar ahaan heshiikii Jabuuti.
In la sii wado wadaxaajoodka u dhexeeya labada dhinac lagana fogaado warsaxaafadeedyo sii fogeyn kara dhibaatada taagan iyo in la sameeyo gudiyo sii anba qaada arimaha lagu soo gabagabeeynayo.
In la taageero heeshiisyada ay dhinacyada Soomaalida ku yeelanayaan gudaha dalka iyo dibadiisa si loo dhameeyo mishaakilka dalka ka aloosan, iyo in Beesha Caalamka ay gacan ka geeysato hirgalintii heshiikii Jabuuti.
In si wada jir ah loo canbaareeyo falalka dilalka ah ee aan kala sooca leheyn,afduubka,kufsiga,madaafiicda lagu garaacayo magaalooyinka iyo Burcad Badeedanimada.
In si gaar ah loo eego xaalada Bini’aadanimo ee dalka ka jirta iyo sidii loo cawin lahaa dadka ay dhibaatada dalka ku heyso.
In la daraaseeyo xaalada Wadanka ka jita sida Siyaasada Ammaanka iyo Nolosha.
Baaq.
In Beesha Caalamka ay ill gaar ah ku eegto isla markaana ay gargaar u fidiso dadka ku dhibaateeysan dalka Soomaaliya iyo in la furo wadooyinka iyo sidii gargaar ay hay’adaha samafalka u gaarsiin lahaayeen dadka u baahan.
In Beesha Caalamka ay ku dadaasho oo ay ku deg degto sidii dalka Soomaaliya loo keeni lahaa Ciidamo ka socda QM si ay u badalaan Ciidamada Ethiopia.
Mahadnaqa.
Labada Dhica waxaa ay uga mahad celinayaan shacabka iyo Dowlada Jabuuti sida ay hiil iyo hooba u garab istaagtay intii uu socday shirkii ay isugu yimaadeen Dowlada iyo Isbeyheesiga Dib u xoreeynta.

Ugu danbeyntii waxaa ay labada dhica sheegeen in ay ka go’antahay in ay beesha caalamka kala hadlaan sidii loo sii anba qaadi lahaa heshiiskaasi iyo sidii ganac looga geysan lahaa hirgalinta Heshiiskaasi ay wada gaareen labada dhinac.
Heshiiskaasi waxaa labada dhinac u wada saxiixay Dhanka dowlada KMG Soomaaliya Ra’isul Wasaare Ku xigeenka Dowlada KMG Axmed C/salaam Xaaji Aadan dhanka Isbeheysigana waxaa u saxiixay C/raxmaan C/Shakuur warsame Waxaana munaasibada Heshiikaasi goobjoog ka ahaa Cumar Xaashi Aadan oo ka socaday Dhanka isbeheysiga iyo Max’ed Max’uud Xeyd oo dhanka Dowlada ka socday.
Warsheekh Official News Resources

 

BARAAMIIL SUN WATA OO LAGU ARKAY XEEBAHA WARSHIIKH

DHOWR BARMIIL OO MIRIRSAN AYAA LAGU ARKAY XEEBAHA MAGAALADDA WARSHIIKH KA DIB MARKII AY BADDA KA SOO CAARIYEEN.MAAMULKA DEGAANKA DEGMADDA WARSHIIKH IYO DADWAYNAHA KU NOOL AYAA BERYAHANBA KA WARAMAYAY XANUUN CUSUB OO SOO FOODSAARAY DEGAANKAAN KA DIB MARKII AY U DHINTEEN ILAA SEDEX QOFOOD XANUNKAAS AAN LA GARANAYNIN.SIDOO KALE WAXAA LA ARKAY KALUUN TIRA BADAN OO KU DHINTAY XEEBAHA DEGMADDA WARSHIIKH SIDA UU SOO SHEEGAY MID KA MID AH DHAQAATIIRTA MAGAALADDA WARHSIIKH KAASOO ILAA IYO HADDA LA GARAYNIN WAXA SABABAY.WARARKA LA IS DHEX MARAYAY LAAKIIN AAN LA CADAYN AYAA SHEEGAYAY IN DHIBAATADANI AY SALKA KU HAYSO SUNTA AY MARAAKIBTA SHISHEEYA KU SOO ROGAYAAN XEEBAHA SOMAALIYA IYAGOO WALIBA AY JIRAAN HOGAAMIYAAL SOOMALIYEED OO HUBAYSAN OO QARASH KA QAATA MARAAKIIBTAAS SI AY UGU SOO DAADIYEEN HARAAGA KIMIKADDA SUNTA AY EE AY WARSHADAHA WADAMADA REER GALBEEDKA AH SOO SAARAAN.

_____________________________________________________________________________________________

 Beesha Mudulood oo maanta beelaha degan Gobolka Banaadir ugu baaqaday inay taageeraan Maamulka Cusub ee G/Banaadir, Lana Shaqeeyaan Gudoomiyaha Gobolka Banaadir ee Cusub ahna Duqa Magaalada Muqdisho. :: (121 Reads)

Posted by webmaster on Thursday, April 14, 2005 - 08:41 AM

Kulan balaaran oo ay soo qaban qaabiyeen Wax garadka Gobolka Banaadir ayna ka soo qayb galeen marti sharaf kala duwan ayaa maanta lagu qabtay Hotelka Globalee Waqooyiga Magaalda Muqdisho, Iyadoo xafladaan lagu taageerayay Gudoomiyaha Cusub ee Maamulka Banaadir ahna Duqa Magaalada Muqdisho Mudane Maxamuud Xasan Cali Cade.
Fadhigan oo lagu taageerayay Magacaabista Guddoomiyaha Gobolka Banaadir ahna Duqa Magalada Muqdisho ayaa waxaa ka soo qeybgalay Caaqil Maxamuud Cali Jimcaale (Koogaar), Drs Mino Xasan Shibis, Maxamuud Kulane Axmed iyo dad kale oo badan.
Odayaasha Beesha Mudulood ayaa waxay ugu baaqeen beelaha kale ee degan Xamar inay taageeran Maxamuud Xasan Cali maadaama bay yiraahdeen uu si xaq ah xilkaasi looga magacabay,isla markaana beelaha degan Muqdisho laga dalbaday inay la shaqeeyaan mas’uulka cusub.
Wax garadka iyo Odayaasha Beesha Mudulood ayaa horay u soo dhaweeyay magacaabida Masuulkaan, uguna baaqay Hogaamiya Kooxeedyada Muqdisho in aysan iska indha tirin Barnaamijyada Xukuumada DFKG., iyagoo dhamaan ka soo horjeestay dhaq dhaqaaqa ay wadaan Xildhibaanada iyo Wasiirada ku sugan Magaalada Muqdisho.
Dhinac kale maalinta berito ayaa lagu wadaa in Xafladd weyn loo sameeyo Guddoomiyaha Maamulka Banaadir Ahna Duqa Magaalada Muqdisho,iyadoo Qado sharaftaas lagu marti qaaday siyaasiyin caan ku ah magaalada Muqdisho.
Idamaale News

___________________________________________________________________________________

Maxamed Qanyare iyo Caato oo ka hor yimid magaacabida Taliyaha Cidanka Xooga Dalka Soomaaliyeed, Iyagoo ku tilmaamay Raysal wasaare Geedi nin iska hadlay. :: (235 Reads)

Posted by  on Wednesday, April 13, 2005 - 04:09 AM

Wasiirka Amniga Maxamed Qanyare Afrax ayaa ku tilmaamay Xilaalkii uu shalay Magaacabay Geedi mid aan waxba ka jirin oo uusana aqoonsanayin, ee ay tahay hadal nin iska yiri. Maxamed Qanyare oo saaka la hadlayay saaxafada ayaa ka soo hor jeestay Magaacabidii la magaacabay taliyaha ciidanka xooga dalka iyo ku xigeenadiisa.
dhinaca kale Wasiirka amniga Maxamed Qanyare Afrax oo xaley wareysi siiyey iddaacada HornAfrik saacado ka dib markii ay soo baxeen magacaabista xilal ay ka mid yihiin abaanduulaha ciidanka xooga dalka Soomaaliyeed.

Xeer ilaaliyaha guud iyo aggaasimaha guud ee bangiga, ayaa sheegay in dhamaan wixii la magacaabey shaley aysan aheyn kuwo sharci ku dhisan.

isagoo si gaar ah u qeexay magacaabista abaanduulaha ciidanka xooga dalka Gen. Naaji oo uu ku tilmaamey mid aan munaasib aheyn, waayo ayuu yiri waxa uu ka mid yahay xildhibaanada baarlamaanka, waana mid u baahan magacaabista abaan duulaha ciidanka wada tashi.

Dhinaca kale warar aanu ka helay ilo xog ogaal ah ayaa waxa ay sheegayaan in Xubnahan Wasiirada ah ee ku sugan Magaalada Muqdisho ay wadaan abaabul Ciidan oo ka dhan DFKG kaasoo u jeedadiisu ay tahay in aysan Dowladu soo dagin Magaalada Baydhabo iyo Jowharba.

Idamaale News ___________________________________________________________________________________

Madaxwaynaha Soomaaliya Mudane C/llahi yuusuf oo digniin u soo jeediyay Xubnaha labada Gole ee ku sugan Magaalooyinka Muqdisho iyo Nairobi, in uu kala Diri doono hadaanay ka soo bixin Howsha qaranka ee hortaal, aysana joojin qaska iyo Nidaam darida. :: (242 Reads)

Posted by webmaster on Wednesday, April 13, 2005 - 06:45 AM

Wargeyska Al-Khaliij ee ka soo baxa dalka Emaaraatka ayaa sheegay in madaxweynaha Soomaaliya uu ku wargeliyay qaar ka mid ah xubnaha Baarlamaanka iyo wasiirada ee ku sugan Magaalooyinka Nairobi Muqdishoin dhamaan shacabka Soomaaliyeed ay dareemeen waxa ka dhex jira gudaha xukuumadda.

isagoo sheegay in la gaaray waqtigii fursadda la siin lahaa in la doodo oo la xaliyo wixii is afgaran waa ee muuqda si aaney dhibaato u dhicin.

Waxa uu sheegay in aanu caqli gal aheyn in xubnaha labada gole ay isaga damaashaadaan Magaalooyinka Nairobi iyo Muqdisho, iyadoo aanu laga fikireyn danta shacabka Soomaaliyeed oo ay ku jirto soo celinta amaanka si ay ugu nooloodaan nolol wanaagsan waa sida uu hadalka u dhigaye madaxweyne C/llaahi Yuusuf ,

Waxaa uuna xusay in dhowaan dowladiisa ay saldhigan doonto gudaha dalka Soomaaliya ,isagoo sheegay in dalalka Masar ,Liibiya iyo dowladaha midowga reer Yurub ay diyaar u yihiin in ay dhaqaale ku taageeraan dowladiisa ,balse ay shuruud kaga dhigeen in dowladiisa ay dalka caga dhigato.

Idamaale News

___________________________________________________________________________________

Taliyaha Ciidamada xooga, Xeer Ilaaliyaha Guud ee dalka iyo
Agaasimaha Maaliyadda oo la Magacabay

Ra’iisul wasaare Prof. Cali Mx’ed Geedi ayaa maanta u magacaabay Jen: Ismaaciil Qaasin Naaji inuu noqdo Taliyaha Ciidamada Xooga DalkaSoomaaliyeed, halka C/llaahi Daahir Barre loo magacaabay Xeer ilaaliyaha Guud ee Maxkamada, iyadoo Agaasimaha Guud ee Bankiga Dhexena loo magacaabay Bashiir Ciise Cali kadib kulan ay maanta yeesheen xubnaha golaha wasiirada ee ku sugan mag. Nairobi.

Kulankaasi oo socaday muddo shan saacadood ah ayaa looga hadlayey magacaabista xubnahaasi oo la sheegay inay ahayd talo soo jeedinta wasiirada difaaaca, maaliyada iyo garsoorka, waxaa sidoo kale xubnaha golaha wasiiradu isku raaceen dhismaha guddiga dastuurka iyo federaalka kuwaasoo kala ah:

Avv. Sh. Cismaan Cumar Axmed, Max’ed Nuur Jileey, Max’ed Isaaq Ibraahin, Tahliil Xuseen Geed, Max’ed Buraale Ismaaciil. Muqtaar Cabdi Dhuubow. Avv. Ilyaas Max’uud Maalin. Max’ed Siyaad Naaleeye, Sh. Ibraahin Sh. Axmed iyo Ismaaciil Nuur Axmed, gudigan ayaa waxa ka dhiman xubnihii dirta waqooyi uga mid noqon lahaa iyadoo laga sugayo inay dhawaan soo magacabaan.

dhamaadkii kulankaasi ayaa ra’iisul wasaare geedi uu sheegay in kaabayaasha gudiyada dhiman iyo kaabayaasha dhaqaalaha , xoghayayaasha guud, taliyaha ciidanka booliska , hanti dhawraha guud, garyaqaanka guud intaba la magacaabi doono maalinta sabtida ah marka kulan ay yeeshaan golaha wasiirada.

Waxaa qortay Midnomo
 

Ra’iisal Wasaare Soomaaliya oo sharci darro ku tilmaamay magacaabistii Maxamed Qanyare Afrax ee Taliyayaasha Booliska iyo Waaxda Socdaalka 

 Ra’iisal Wasaare Cali Maxamed Geedi ayaa daboolka ka qaaday in ey sharci darro tahay magacaabistii Taliyayaasha Booliska Soomaaliyeed iyo Waaxda Socdaalka ee uu sameeyay Wasiirka Amniga Qaranka Xukuumadda Federaalka Md. Maxamed Qanyare Afrax.

Ra’iisal Wasaaruhu waxaa ow sheegay in owsan Maxamed Qanyare Dikreeto ku magacaabi karin saraakiil dowladeed, balse uu leeyahay kaliya soo jeedin, woxowna caddeeyay in ow usuga markaas kadib ku dhawaaqi karo magacaabista.

Sidoo kale Ra’iisal Wasaaruhu waxaa ow ka hadlay magacaabistii ow sameeyay ee Guddoomiyaha Gobolka Banaadir iyo Duqa Magaalada Muqdisho oo ow ku wada magacaabay Md. Maxamuud Xasan Cali Gaabow (Cadde), waxowna magacaabistiisaas ku tilmaamay mid sharci ah oo la tashi ku saleysneyd.

Prof. Geedi oo ku sugan dalka Liibiya ayaa intaas ku daray in ay Xukuumaddiisa ku jiraan xubno faro ku tiris ah oo fowdo u joog ah, kuwaasoo aan rabin in ay shacabka Soomaaliyeed dowlad helaan, isla markaana ay dhibaatada ka baxaan, hayeeshee waxaa uu carrabka ku dhuftay in aysan xubnahaasi hirgashan doonin doonistooda ah in dalka iyo dadku ay ku dhibaatada ku sii jiraan.

Waxaa uu sheegay Prof. Geedi in howlihii ay u joogeen dalka Liibiya ay u soo dhamaadeen, isla markaana ay dhowaan ku soo noqonayaan Nairobi, iyadoo kadibna ay dowladda u guuri doonto Soomaaliya, isagoo waxba kama jiraan ku tilmaamay in uu ka baqayo in uu Muqdisho yimaado, wuxuuna caddeeyay in Muqdisho uu ku dhashay, una dhashay, isla markaana aysan jirin cid ka hor istaagi karta in uu yimaado.

SIYAASIYIIN, WAXGARAD, ODAYAAL DHAQAMEEDYO IYO GANACSATO KU SUGAN MUQDISHO OO TAAGEERAY DOWLADDA FEDERAALKA SOOMAALIYA [Caaqil Koogaar: "Nabadeynta Muqdisho ee hoggaamiye kooxeedyada waaba iyaga kuwa ay isbaarada u taalo"

Somaliweyn.com ( Muqdisho 7 Abriil 2005)Shir ballaaran oo ay ka soo qeyb galeen siyaasiyiin, Waxgarad, odayaal dhaqameedyo iyo Ganacsato ayaa maanta ka dhacay guriga Caaqil Maxamuud Cali Jimcaale [Koogaar] oo ku yaala xaafadda Yaaqshiid ee magaalada Muqdisho, shirkaasi oo looga hadlayay xaaladihii ugu dambeeyay ee ka jira magaalada Muqdisho.Xubnaha shirka ka qeyb galay ayaa shacabka Soomaaliyeed u soo jeediyay inay taageeraan Dowladda Federaalka KMG ah ee Soomaaliya, waxayna dhinaca kale sheegeen in shacabka Soomaaliyeed uusan xilligan u baahneyn dagaal, waxayna ugu dambeyntii soo saareen baaq ay qodobadiisa ka mid yihiin:

1. Inay ka soo horjeedaan maamul u sameynta Gobolka Banaadir, waxayna sheegeen in maamul u sameynta Gobolka ay mas'uuliyadiisa qaadeyso oo kaliya Dowladda FKMG ah.

2. In Dowladdu ku sii negaato meel kale inta magaalada Muqdisho laga nabadeynayo.

3. In labada Gole uu mid kasta howshiisa wato oo aanay is faragelin.

4. In hoggaamiye kooxeedyada aysan Muqdisho nabad ka dhalin karin, maadaama 14-kii sano ee la soo dhaafay ay wax qaban kari waayeen.

Waxayna xubnahaasi sheegeen inay si buuxda u taageersan yihiin lana shaqeynayaan Dowladda Federaalka KMG ah ee Soomaaliya.

Xubnihii halkaasi ka hadlay waxaa ka mid ahaa: Caaqil Maxamuud Cali Jimcaale (Koogaar) oo sheegay inay diyaar u yihiin inay ka shaqeeyaan nabadda dalka, isagoo hadalkiisa sii raaciyay, "Nabadeynta Muqdisho ee hoggaamiye kooxeedyada waaba iyaga kuwa ay isbaarada u taalo", xubnihii shirkaas ka qeyb galay waxaa ka mid ahaa: Axmed Baasto oo ka socday SNA-da Xuseen Ceydiid, Cali Aybakar Shadoor, Prof. Tolbeerte iyo xubno oo fara badan.

Xafiiska somaliweyn ee Muqdisho