Magacaabid Guddi

War kasoo baxay madaxtooyada Jamhuuriyadda Soomaaliya aa sheegay in Mudane Cali Mahdi Maxamad oo eh siyaasi aad looga tixgeliyo Dalka Soomaaliya ahaayna Madaxweynahii ugu horeeyay ee ladoortay kedib markii lariday xukunkii Maxamad Siyaad Barre in loo magacaabay Guddoomiyaha Guddiga Dib uheshiisiinta dadka soomaaliyeed usugoo guddoomindoono guddi shan ximnood ka koobmo kuwasoo kala ah:

1-Cabdiraxmaan Cabdi Xuseen (Cab/maan Guulwade)

2-Ganacsade Maxamuud Jirde Xuseen

3-Axmad Sheekh Mukhtaar

4-Maxamuud Shire Nuur

5-Faarax Waceys Dhuule.

Dukumintiga lagu magacaabay Mudane Cali Mahdi Maxamed iyo Shanta xubnood ayaa waxaa lagu magacaabay guddi xoghayaal ah oo ka mas’uul noqon doona shan qeybood oo ay u qeybsan tahay howlaha shirka dib u heshiisiinta qaranka.

Ka dib markii weeraro abaabulan ay kooxo hubeysan oo aan la garaneyn ay la beegsadeen 48-kii saac ee la soo dhaafay qaar ka tirsan saldhigyada booliska ee magaalada Muqdisho ayaa dadweynaha ku dhaqan gobolka Banaadir waxaa la soo gudboonaaday xaalad welwel iyo cabsi leh oo la xiriirta nabadgelyada maalinba maalinta faraha ka sii baxeysa.

Fiidnimadii xalay wixii ka dambeeyey 8:00 caweysnimo ayaa la arkayey dadweynaha oo u kala cararaya guryahooda, iyadoo goobaha ganacsiga iyo biibitooyinka laga cunteeyo ee hareeraha waddooyinka ku yaalana oo qaarkood furnaan jiray ilaa 12:00 saqda dhexe ay xalay bilaabeen in iney si dhaqso leh u xiraan goobahooda ganacsi, waxaana jir baqdin laga qabo kooxo burcad ah oo ka faa'iideysanaya xaalada ammaan xumi ee magaalada Muqdisho ka taagan iney dhac u geystaan, waxaana gabaabsi noqday basaska la raaco wixii ka dambeeyey 7:00 fiidnimo ee xalay, iyadoo xaafadaha qaarkood ay ka dilaaceen kooxo tuugo ah oo ku hubeysan bastoolado iyo tooreeyo, kuwaasoo dadka guryahooda ku sii jeeda ka qaadanaya waxyaabaha ay sitaan sida mobileda iyo lacagaha yar yar ee ay jeebabka ku wataan.

Dhinaca kale Saldhiga booliska ee degmada Yaaqshiid ayaa xalay noqday saldhigii 3-aad ee ay beegsadan kooxaha wax weeraraya, ka dib markii dhabarka dambe ee saldhigaasi ay ku tuureen Bam gacmeed aan wax dhimasho iyo dhaawac ah geysan, marka laga reebo burbur lixaad leh oo soo gaaray qeybo ka mid ah saldhiga oo bamkaasi uu asiibay, iyadoo markii bamka lagu tuurayey saldhigana ay ku sugnaayeen ciidamo tiradoodu ay aad u yar tahay oo ka tirsan kuwa booliska dowladda federaalka Soomaaliya, waxaana markii uu qaraxaasi dhacay ka dib ay ciidamada Boolisku bilaabeen iney xiraan wadooyinka soo hala saldhigaasi, waxaana deegaankaasi uu isu bedelay meel cabsi aad fara badan ay ka jirtay.

Weerarkan xalay lagu qaaday saldhiga booliska degmada Yaaqshiid ee magaalaada Muqdisho ayaa sida muuqata waxaa uu daba joogaa weeraro habeen hore kooxo hubeysan oo aan la garaneynin ay ku qaadeen saldhigyada booliska ee degmooyinka H/wadaag iyo Wardhiigley kuwaasoo geystay dhaawaca ilaa 4 qofood oo 3 ka mid ah ay ahaayeen dad rayid ah halka ka kalena uu ahaa askari ka tirsanaa ciidamada Booliska, waxaana weerarka xalay uu dhacay saacado uun ka dib markii askari ka tirsan ciidamada Booliska uu ku geeriyooday iska horimaad ba'an oo duhurnimadii shalay ku dhexmaray deegaanka Ex-koontrool Balcad ciidamo ka tirsan booliska dowladda federaalka iyo maleeshiyooyin hubeysan oo aan la garaneynin waxa ay yihiin.