Wararka Abaaraha

Wararka naga soo gaaraayo degmada Cadale aa sheegaayo iney dhibaato weyn ku heyso deegaankaas abaar xoog leh oo mahaas ka jirto dadkuna ey biyo laŕan iyo cunto xumibo ey meeshaas ku heyso. dadku waxey si deg deg ah ugu baahanyihiin gurmad xoog leh oo lagu  badbaadiyo dadka iyo xoolahaba.Waxaa sidaas oo kale Degmada Warshiikh iyadana laga soo sheegaa iney jirto abaar xun oo iyadana dhibaato ku heyso dadka iyo duunyada degaankaas ku nool. Sidaas daraadeed maamulka labada Degmo waxow dadka Soomaaliada ah ee ku nool dalka gudihiisa iyo dibbadiisaba iney wixii gargaar ah oy helikaraan lasoo gaaraan walaalahood waxaa sidoo kale gargaar deg deg ah laga codsahaa hayadaha caalamka ee wax gargaaro iney dadkaas gargaar baniaadamnimo la soo gaaraan dadka iyo duunyada ku nool deegaankaas.

Meydad iyo alaabo laga helay degmada Cadale ee gobolka Sh/dhexe

March 30, 2005 Radio Free Somalia

wararka ka imaanaya degmada Cadale ee gobolka Sh/dhexe ayaa waxa ay sheegayaan in baddu ay soo tuftey meydad iyo alaabooyin ay ku jiraan alwaaxyo iyo Filintijeero kuwaasi oo laga cabsi qabo in ay yihiin dadkii ku dhintey iyo guryahii ku bur buray badgariirkii Tsunami ee dhacay dabayaaqadii sanadkii la soo dhaafay.

Muxudiin Xilif oo ka tirsan degmada Cadale e gobolka Sh/dhexe oo u waramayay warbaahinta ayaa waxa uu sheegay in alaabahaasi iyo meydadkaasi ay ku soo caariyeen xeebta cadale, isagoo sheegay sidoo kale sheegay in ay dadku ahaayeen lafo lafo.

Xilif waxa uu ku tilmaamay alaabaha la helay in ay ahaayeen dhalooyinka TV ga iyo alwaaxyada bur burey ee gurayaha, isagoo sheegay in dadka meydadka ah ee la helay ay gaarayaan ilaa 5 qof.

ma ahan markii ugu horeesay ee alaab ceenkaan oo kale ah la helo iyadoo xeebta Marka ee gobolka Sh/hoose laga helay alaabo isugu jire alwaax iyo Filintijeero.

 

Cadale, Somalia: Sida ay sheegayaan Wararka aanu ka heleyno degmada Cadale oo ka tirsan gobolka Shabeelaha dhexe, waxaa halkaasi lagu qabtay dibad bax looga soo horjeeday heshiiskii ay Magaalada Nairobi ku gaareen xubnaha kaga jira beelaha Hawiye dowlada federaalka kmg-ka Soomaaliyeed.

Wararka ayaa sheegaya in isu soo baxaan ay qudbado ka jeediyeen gudoomiyaha degmada Cadale Muuse Maxamed Killi iyo gudoomiye K/xigeenka 2aad ee degmada Maxamed Maxamuud Calasow, kuwaasi oo sheegay in ay si aad ah uga soo horjeedaan heshiiska ay gaareen wasiirada iyo xildhibaanada beelaha Hawiye ugu jira dowladda FKMG ee Soomaaliya, waxaana sidoo kale ay sheegeen in heshiisyada nuucaan oo kale ah ay sii xumeynayaan dib u heshiisiinta ayna caqabad ku noqon karto dowlada FKMG ee Soomaaliya .

Wararka ayaa sidoo kale sheegaya in qaban qaabiyeyaasha banaan baxaan ay ahaayeen taageerayaasha Maxamed Cumar xabeeb (Maxamed Dheere) oo ah gudoomiyeha gobolka SHabeelaha dhexe, kana mid ahaa xildhibaanadii ku jiray golaha baarlamaanka, ka hor inta aanu booskaasi u baneyn cali Maxamed Geedi oo Ra’iisal Wasaare loo magacaabey.(waxaa qoray Allgedo online