Waxqabadka midowga maxaakiimto waa tilaabo horuumar leh

Waxaan rabaa inaan wax yar ka iraahdo waxqabadka Midowga Maxaakiimta Islaamiga ah ee Caasimadda Soomaaliya iyo gobolada qaarkood lawareegay maamulkooda .Aniga waxaan u arkaa tilaabooyinka ey qaadaayaan Maxkamaduhu iyo góaamada ey soo saaraayaanba kuwo horay loogu tilaabsahaayo soo celinta nabadgelyada,nidaamka, kaladambeynta iyo qaranimada ummadda Soomaaliyeed kuwaasoo dhunsanaa muddo kabadan 16 sano.Markii aan tusaalo yar ka soo qaato wax qabadkooda waxaan wada ognahay iney Xamar iyo gobolada ey maamulkooda lawareegeen ey muddo yar ku soo celsheen nabadgelyadi goobahii ku caanbaxay nabadgelyada xumadana ey maanta yihiin ku shacabku ku lugeeyo iyaggon wax cabsi ah qabin magaalada aadan ku arkeyn maleeshiyooyinki ku caanbaxay dhaca, kufisiga,jirdilka iyo wixii xun oo dhan qofwalbana ey nabad ku jiisaheyso nabana ku soo kaceysoo tasso qofka 16 jirka owna horay u arkin.waxaakale oo jirto in qofka wadanka dibbadda uga maqan owna sisahlan u rumeysan karin haddana dhab ah.Waxaakale oo kamidah guulaha Maxaakiimtu gaareen furitaankii garoonka dayuuradaha iyo dakaddacaalamiga ah iyo welibo magacaabidii labada maareeye ee labada ilo dhaqaale,waxaa iyadana xusid mudan sameynta waaxda socdaalka oo iyadana muhim u ah soo celita nidaamka dalka lagusoo gelaayo,waxaa iyadana tilaabo guul ah iigu muuqato mamnuucidda kulama siyaasadda haddii aan laga helin ruqsad maamulka midowga maxaakiinta taasoo xal u ah isbarbar yaacidii kajirtay dalka  wakhtigii lasoo dhaafay loona baahanyahay in la xakameeyo.Waxaa iyadana wax loo baahanyahay eh talaabada lagu joojihaayo in dadka ajnabiga ah iska soo galaan dalka ruqsad la’aanta taasoo iyadana loo baahnay in laxakameeyo shacina laga soo saaray. Arinta iyadana aadka loogu baahnaayay waxey eheed soo celinta cadaaladda oo bilaabatay taasoo ah in maxaakiimtu ku dhawaaqday isu celinta hantida lakala heysto iyo arrintaas maxkamad u gooni ah loosuubidoono taasoo ey ku dhiciwaayeen maamuladii ka horeyay.

Tilaabooyinka maamulka maxaakiimtu qaadaayaan waxaan u arkaa iney yihiintilaabo horay loogu qaadaayo soo celita maamul caafimaad qabo oo kala dambeyn leh loogana gudbaayo is barbaryaacii iyo xusulduubkii beenta ahaa oo lagu dalbaayay madaxnimada.

Waxaa xusid mudan inaan mararka qaarkood arko ama maqlo qaar kamid ah meediyada soomaalida (websiteyada,wargeysyada iyo idaacadaha) oo dulduleelo u raadihaayo go’aanada kasoo baxo maamulka midowga maxaakiimta ey soo saaraan,iskuna dayo iney dadweynaha soomaaliyeed kuwa joogo gudaha iyo dibbaddaba si kale oo wanaagga iyo xaqiiqdaba kasoo horjeedo ugu micneeyaan go’aanadaas haddii ey katahay aqoon la’aan iyo haddii kaleeyihiin ujeedo guracan,waxaanse u badihaa iney nacaayaan xukunka toosan oo eyna arag qaarkood iney maqlaan maahine waxaanse kuwaas u soo jidi lahay iney dadkooda dhinaca ka raacaan kuna farxaan wixii ummadda dhibtootay dhibka bixihaayo.

Waxaan ugu dambeystii rabaa inaan maamuka maxaakiimta u soo jeediyo arimaha soo socdo:

1-    In maamulka sare ee maxaakiimtu yeesho sabar badan hadii larabo in umadaan dhibaatadu dilatay lagala dagaalamo duliga.

2-    In wakhtiga xadirka ah aan lagu degdegin in Xamar maamul madaxbanaan loo sameeyo hase ahaatee abaaul xoog leh laga sameeyo degmooyinka lana gaarsiiyo ilaa deris oo ah in kontonkii guriba loo sameeyo maamul nabadgelyada ilaaliyo.waxeyna ila tahay in maamulka guud ee gobolka banaadir ow si toos ah looga maamulo xafiiska sare ee maxaakiimta.

3-    In sharci degdeg ah loosoo saaro saxaafada si loo xakameeyo fowda kajirto saxaafadda.

4-    In maxaakiimtu yeelato meediya fikradooda faafiso dadka soomaaliyeedna u soona tebiso xaqiida jirto.

5-    In maxaakiimtu yeelato waax u qaabilsa fikrada ururita gudaha iyo dibbaddaba si toos ahna loola xiriiri karo.

Wabilaahi towfiiq

M.M. Caddaawe (Geeddow)

E-mail geeddow41@yahoo.com

Web site:www.cadale.com

HAMAR WAA NABAD     

Waxaan socdaal gaaban oo qaatay muddo bil ku dhawaad ah ku tegay caasimadda Soomaaliya Muqdishow oo ey iigu dambeysay bishii Nofembar ee sanadkii lasoo dhaafay,wanaana wax layaab ah ugu naqatay sida ey u kala gedisantay xaaladii nabadgelyo ee Nofembar iyo midda hadda ka jirto waana wax owna qofku rumeysan karin marka loo sheego. Markii hore oon tegaayay waxey eheed meel fowdo ah oo nabadgelyo haba yaraatee eyna ka jirin naftana aan lagu aaminikarin cabsi kajirtay darteed.waxaadna mararka qaarkood lakulmeysay canug yar oo bunduq wato oo kaayeelayo sow rabo kuna dhahaayo wararka kuwa ugu xun haddii aad warkusoo celisana dhow xabbadood kugu dhifahaayo kedibna iska tegaayo usugoo aanba umaleyheyn inow dimbiile yahay.Waxyaabaha dulmiga ah ee Xamaryiilay wax lasoo koobi karo maaheyn.Waxaan xamar tegay 10-07-2006 iyadoo Xamar intiisa badan ey gacanta ugu jirto Maxaakiimta islaamiga meelaha ey gacanta ku haayaana ey nabadgelyo buuxdo ka dhigeen.Intii aan Xamar joogayna gooba badan aa gacantooda soo galay ilaa ow Xamar oo dhan ow gacantooda soo galay,nabadgelyadiina ey ku soo naqatay waxaa isu furmay Xamar oo dhan waxaana dabku iyagoo koox koox ah ey ku lugeyhaayeen jidad aan cagtu marin mudoo dhowr iyo toban sano ah waxaana dadku u dabaal degaayay nicmada Illaah siiyay oo ah soo celinta nabadda waxaa dadku suubiyay banaan baxyo badan oo ey ku muujihaayaan shucuurtoda iyo taageerada ey u haayaan Maamulka Maxaakiimta oo dariishadda neecaawda nabadda u furay dadka muqdisho ku nool oo nabadgelyo laaanta ,cadaala darada,xadgudubka iyo waxyaalaha xun xun oo dhan ey disheen.waxaana muqdishow ka soo laabtay 30-07-2006 anigoo nasiib u yeeshay inaan kamidnaqano aniga iyo xaaskeygaba rakaabkii soo raacay dayuuraddii ugu horeysa oo ganacsi ee ka soo duushay garoonka caalamiga ah dayuuradaha ee Muqdishow oo muddo kaban 11sano eyna dayuurad ka duuli.Waa illaahey mahadiis hadii Muqdishow maanta nabadtahay.

Maxamad M.Caddaawe ( Geeddow )

Maxaa maatida Mudullood Mininkooda loogu leyhaa?

Dadka mudullood mawalaxeyna garan mawaxaa Alle ka qaaday maskaxdii ey ku shaqeylahaayeen aaween odayaashii samadoonka ahaay oo ku hagooga jiray dhiigga daadahaayo aaween dhallinyaradii firfircooneed oo meesha dheer wax ka arki jirtay aaween aqoonyahanadii larabay iney bulshada inteeda kale wanaagga u horseedo aaween culamaaudiinkii larabay iney dadka u sheegaan in daadinta dhiiga dadka musllimka ah ee aan wax dulmiya suubin cawaaqib xumada ow leeyahay aduun iyo aakhiraba aaween nimankii isku sheegaayay siyaasiyiin ma weyna ka cabsaheyn carada Ilaahey mexey dadkooda u dilaayaan. Dagaalku shalay waxow ahaay galgalato berigana waa siisiiye. Mawaa dadka mudullood iyo madaxdiisaba  kasi layihiin in dagaalku owna leheyn wajiga loo yeelaayo oo ah argagixiso iyo argagixiso ladirir hase ahaatee aan anigu u arko inow taas ka gedisanyahay sababta oo ah in kuwa soo hindisay in wadanka argagixiso joogto oy la diriraayaan iyo kuwa lagu tilmaamaayo iney argagixiso haayaan ey isku dan ahaayeen islana jireen intii ka horeysay doorashadii guddigii Gobalka Banaadir markaas oo khilaaf soo  kala dhex galay dagaal ogayaashii Mudishow joogay kedibna ey ku dhawaaqeen aas aaski isbaheysiga ladagaalanka argagixisada iyo soo celinta nabadda kaasoo ow hor boodaayay Maxamad Qanyare  oo sitoos ah ugu dhawaaqay in isbaheysigu ladagaalamaayo maxkamadaha islaamiga ah oo ow ku tilmaamay iney argagixiso yihiin haayaanna argagixiso caalami ah oo ey gabaad sii haayaan. Qayare si ow u fuliyo ujeedadiisa waxow raadsaday rag ganacsato ah oo marhore xurguf dhex martay maxkamadaha sida Bashiir Raage, Cabdirashiid Ilqeyte iyo kuwo kale usugoo isla fikradaas ka dhaadhiciyay dagaal ogayaasha ku hubeysan magaalada Muqdishow. Markii aan dib ugusoo naqdo dulucda maqaalka wexey aniga ila tahay in dagaalka hadda socdo ow wejigii lagu ogaay iska bedelay oo hadda ow u muuqdo in dadka mudullood lagu laayo inta ka hertayna la barakiciyo beledkana laga bixiyo iyadoo loogu talagalay in kuwa dagaalamaayo oo madfaca ridaayo iyo kuwa ow  ku dhacaayaba ey mudulood ahaadaan madaxdoodana loo siticmaalo magacyo kala duwan oo uyuka lagu how gelihaayo si ey maatadooda u laayaan  waxyaabaha lalayaabo waxaa kamid ah laba jilib oo habargidir ka mid ah oo lakala jigo labada dhinac oo la sheegay iney dagaalamaayaan ey ku heshiiyeen in eyna iyagu isweerarin hase ahaatee ey weeraraan dadka kale kuwaasoo kala ah ceyr iyo sacad taas waa sidey  uga badbaadi lahaayeen maatadooda  madaafiicda waxaad aragtaa dagaalkii Xamarweyne oo dhow rasaas markii leysdhaafsaday lagu heshiiyay waxaad aragtaa dagaalkii lambar 4 oo wax yar socday ,waxaad fiirisaa dagaalkii huriway markii dambe Maxamuud Hiraab iyo maxkamaduhu ku heshiiyeen inaan mardambe lees weerarin.waxaasoo muduloodow wax waa ku qaada laadahay waxaase wax ogaadoontaa marki dadkaagu u qeybsamo wax dhintay iyo dhoofay degaanada aad ku magacaabantahayna dadkale soo degaan.

Waxaan rabaa inaan kusoo gooyo qoraankeyga Muduloodow mar Madarkicis waa kuu talihaa hadaadan sidaan isu dhaamin.

Waxaa  Qoray

M.M.Caddaawe ( Geeddow )

E-Mail : geeddow41@gmail.com

Web Site:www.cadale.com